我辭職，
預計咗唔多唔少會有啲陰謀論出現，
始終總會有人喜歡扮睇通睇透、扮有內幕...

我辭職，
預計咗唔多唔少會有啲陰謀論出現，
始終總會有人喜歡扮睇通睇透、扮有內幕消息..等等。

出面有陰謀論係正常，
但話晒相識一場、有我電話嗰啲，
就唔好懶熟send句「你移民呀？」過嚟啦 😅
一係你連我上一封「辭職信」都冇睇，
一係你就唔肯接受呢個世界有人係冇咁多hidden agenda。

我唔敢講自己每次都拿開肚皮俾人睇晒啲腸，
但絕大部份時候都係有嗰句講嗰句。

我辭職嘅前因後果，
上個post已經交代晒了，
老土而真實，
花你3分鐘睇得完，
有時候，有啲嘢，係冇咁多陰謀的。

---